Basa Sunda

ULAH PAGIRI-GIRI CALIK, PAGIRANG-GIRANG TAMPIAN

BABASAN di luhur ngandung harti ulah rebutan kakawasaan. Sakuduna mah sakabéh pihak anu ngabogaan kakawasaan téh kudu silih élédan tur gawé bareng pikeun ngawujudkeun karaharjaan masarakatna. Nu jadi pajabat ngabakti ku jabatanana, ulama ngabantu ku élmuna, para sodagar ngabantu ku hartana. Ulah kawas kiwari, malah anu kabandungan téh nyaéta pagiri-giri calik, pagirang-girang tampian alias paraséa parebut kakawasaan.

Éta pisan anu kajadian dina kasus perseteruan Pemprov Jawa Barat (Jabar) jeung pengembang kota Méikarta anu beuki rongkah. Wakil Gubernur Jabar Déddy Mizwar (Démiz) sacara tegas meredih sangkan pangwangunan jeung penjualan kota di kawasan Cikarang Bekasi téh dieureunkeun. Démiz meunteun yén penjualan besar-besaran apartemén ku Méikarta, ngarupakeun tindak kriminal, ngajual barang kalayan ilégal. Barang can boga izin tapi geus dipasarkeun?

Ieu lain peringetan kahiji ti Démiz ka Lippo Group pengembang Kota Méikarta. Ahir Méi nu kaliwat pemeran Jénderal Naga Bonar téh nyoara kacida keras pisan tur nuding Lippo hayang ngawangun Nagara jero Nagara. Lippo malahan dipénta sangkan ta’at kana aturan tur ngurus perizinan heula, naha geus luyu jeung Rancangan Umum Tata Ruang (RUTR) anu master plan-na geus dijieun ku Pemprov Jabar, kakara meunang ngawangun.

Lir kawas paribasa nyebutkeun “Anjing menggonggong, kafilah berlalu,” penjualan kota anu diklaim bakal ngabogaan infrastruktur panglengkepna di Asia Tenggara téh terus lumangsung, malahan kacida pisan massif. Iklan média cetak, online, radio, télévisi Méikarta nyebar ampir di sakabéh média. Di sababaraha média cetak nasional iklanna teu tanggung-tanggung, nepika lima halaman berwarna, dina sababaraha kali penerbitan. Di média online maranéhna masang iklan banner dina ukuran gedé anu langsung muncul nalika muka situsna.

Méikarta ngaklaim bakal terhubung jeung rupa-rupa moda transportasi modéren anu kiwari keur diwangun pemerintah, saperti pelabuhan laut dina Patimban, Bandara Internasional Kertajati, Keréta Api Cepat Jakarta-Bandung jeung Jakarta-Cikampék Elevated Highway. Tina opat moda transportasi tadi ngan Keréta Api Cepat Jakarta-Bandung anu enya-enya langsung terkonéksi jeung Méikarta. Salah sahiji transit oriented development (TOD) Keréta Api Cepat némpél langsung jeung proyék Méikarta. Moda transportasi ini menjadi andalan dan jualan utama kota baru milik taipan James Riady.

Présidén Jokowi meni saged pisan ngaresmikeun proyék Keréta Api Cepat nu bakal dibangun konsorsium Cina jeung BUMN dina Januari 2016. Tanda-tanda proyék sagedé Rp 70 Triliun bakal batal beuki kuat, nalika Jokowi ménta sangkan porsi saham BUMN dikurangan sacara drastis. Awalna pembagian porsina 60% pikeun BUMN jeung Cina  40%. Namung ayeuna Jokowi ménta porsi BUMN dileutikan nepika tinggal 10%. Cag! ***

Ku Muchsin Al Fikri, S.sos., M.I.Kom.

Comments
To Top